This is featured post 1 title
Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.
This is featured post 2 title
Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.
This is featured post 3 title
Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.
កម្ពុជាស្វាគមសាលក្រមកាត់ទោសប្តីប្រពន្ធម៉ាឡេស៊ីដែលធ្វើអោយស្ត្រីមេផ្ទះខ្មែរស្លាប់
សវនាការរឿងក្តីប្រាសាទព្រះវិហារ ត្រូវផ្សាយផ្ទាល់
អភិបាលក្រុងប៉ារីសទស្សនកិច្ចភ្នំពេញ ដើម្បីនិយាយអំពីសហប្រតិបត្តិការទ្វេភាគី
ព្រះមហាក្សត្រជូនពរអោយមិត្តភាពកម្ពុជា-ចិនរីកចំរើនឥតឈប់ឈរ
លោកនាយករដ្ឋមន្ត្រីអំពាវនាវឲ្យសកម្មជនគណបក្សកាន់អំណាចអត់ធ្មត់ ក្នុងរដូវបោះឆ្នោត
បទវិភាគ៖ តើលោក ហ៊ុន សែន ជាមេដឹកនាំល្អឬជាមេគ្រួសារល្អ?
ការសម្ពោធសមិទ្ធផល ជារបៀបវារៈនយោបាយរបស់បក្សកាន់អំណាច
សាលាក្តីខ្មែរក្រហម ៖ គម្រោងកូដកម្មនៅថ្ងៃទី១ មេសាត្រូវបានបញ្ចៀស
គម្រោងធ្វើកូដកម្មដែលក្រុមបុគ្គលិកខ្មែរផ្នែកបកប្រែភាសាគ្រោងបន្តធ្វើជាថ្មីទៀតនៅថ្ងៃចន្ទ ទី១ ខែមេសាត្រូវបានបញ្ចៀសហើយ។ ការបញ្ចប់គម្រោងធ្វើកូដកម្មនេះបានធ្វើឡើង បន្ទាប់ពីរដ្ឋបាលសាលាក្តីខ្មែរក្រហមបានសម្រេចបន្តកិច្ចសន្យាការងារថ្មីសម្រាប់ឆ្នាំ២០១៣ ដល់បុគ្គលិកជនជាតិខ្មែរទាំង ២៧០នាក់។ នេះបើយោងតាមការអះអាងរបស់លោក នេត្រ ភក្ត្រា អ្នកនាំពាក្យសាលាក្តីខ្មែរក្រហមដែលបានប្រាប់វិទ្យុបារាំងអន្តរជាតិនៅថ្ងៃសៅរ៍នេះ។ កាលពីថ្ងៃសុក្រម្សិលមិញ លោកស្រី Silvia Cartwright ចៅក្រមអន្តរជាតិបានប្រកាសនៅក្នុងអង្គសវនាការថា ប្រាក់បៀវត្សរបស់បុគ្គលិកជនជាតិខ្មែរចាប់ពីខែមករាដល់ខែមេសានឹងត្រូវបានធានាបើកជូនគ្រប់ចំនួន។ នៅថ្ងៃសៅរ៍នេះ រដ្ឋបាលសាលាក្តីក៏បានសន្យាថា ប្រាក់ខែចាប់ពីខែមករាដល់ខែមីនាដែលសាលាក្តីជំពាក់បុគ្គលិកជនជាតិខ្មែរនោះនឹងត្រូវបើកសងវិញគ្រប់ចំនួននៅសប្តាហ៍ក្រោយ។ រីឯប្រាក់ខែសម្រាប់ខែមេសានឹងត្រូវបើកតាមធម្មតានៅដំណាច់ខែ។ គួររម្លឹកថា បុគ្គលិកជនជាតិខ្មែរផ្នែកបកប្រែភាសាបាននាំគ្នាធ្វើកូដកម្មមិនធ្វើការកាលពីថ្ងៃទី៤ មីនា បន្ទាប់ពីពួកគេមិនទទួលបានប្រាក់ខែចំនួន ៣ខែ។ រហូតដល់ថ្ងៃទី១៨ មីនា ពួកគេបានយល់ព្រមចូលធ្វើការវិញ បន្ទាប់ពីមានការសន្យាថា ពួកគេនឹងទទួលបានប្រាក់ខែខែធ្នូឆ្នាំ ២០១២ ។ ប្រាក់ខែនេះបានបើកមែនកាលពីថ្ងៃទី២១ មីនា។ ប៉ុន្តែក្រុមបុគ្គលិកទាំងនោះបានគំរាមថា នឹងធ្វើកូដកម្មជាថ្មីនៅថ្ងៃទី១ ខែមេសា ប្រសិនបើពួកគេមិនបានបើកប្រាក់ខែ ៣ខែដើមឆ្នាំ ២០១៣ ទេនោះ។ ការបន្តកិច្ចសន្យាការងារ និងការសងប្រាក់ខែដែលជំពាក់ គឺជាលក្ខខណ្ឌធំៗពីរដែលក្រុមបុគ្គលិកផ្នែកបកប្រែភាសានៃសាលាក្តីខ្មែរក្រហមបានសុំឲ្យរដ្ឋបាលរបស់សាលាក្តីនេះដោះស្រាយជាថ្នូរនឹងការបញ្ចប់កូដកម្ម។ ឥឡូវនេះ បញ្ហាត្រូវបានដោះស្រាយហើយ ។ ប៉ុន្តែ ថវិកាសម្រាប់ដោះស្រាយបញ្ហាប្រាក់ខែបុគ្គលិកជនជាតិខ្មែរនៅពេលនេះគ្រាន់តែជាមូលនិធិសង្គ្រោះបន្ទាន់របស់អង្គការសហប្រជាជាតិដោយប្រើប្រាស់ថវិកាភាគីអន្តរជាតិដើម្បីដោះស្រាយបញ្ហាមួយគ្រាតែប៉ុណ្ណោះ។ រីឯគម្រោងថវិកាពិតប្រាកដសម្រាប់ដំណើរការឆ្នាំ ២០១៣ សម្រាប់ភាគីកម្ពុជានៅតែមិនទាន់មានដដែល៕
គណបក្សសង្រ្គោះជាតិអំពាវនាវឲ្យរដ្ឋាភិបាលវែកមុខឃាតករបោកគ្រាប់បែកកាលពី១៦ឆ្នាំមុន
ព្យុះចិត្តស្រឡាញ់ អក្សរសាស្រ្តជាតិ ជំរុញកូនខ្មែរ ក្រោមម្នាក់ សម្រេចមហិច្ឆតា បង្កើតពុម្ពអក្សរខ្មែរ
ចៅក្រម៖ លោក នួន ជា មានកាយសម្បទានិងបញ្ញាស្មារតីគ្រប់គ្រាន់
សាលាឧទ្ធរណ៍នឹងចេញសេចក្តីសម្រេចជុំវិញករណីលោកឈូក បណ្ឌិតនៅរសៀលថ្ងៃទី៤មីនា
មតិជុំវិញការដាក់ឈ្មោះស្ពានអាកាសថ្មីថា "ស្ពានអាកាស ៧ មករា"
ស្របពេលនេះ លោកនាយករដ្ឋមន្ត្រី ហ៊ុន សែន បានសម្រេចប្រកាសដាក់ឈ្មោះស្ពានអាកាសនេះ ជាចំណងដៃឆ្នាំថ្មីសម្រាប់ប្រជាជនកម្ពុជាទូទាំងប្រទេស ដោយភ្ជាប់ទៅន័យប្រវត្តិសាស្ត្រនយោបាយតែម្ដង ៖ «ខួប ៣៣ឆ្នាំ នឹងមានស្ពានចំណងដៃមួយ ឥឡូវគេហៅស្ពានអាកាស ៧ មករា ស្តុបពេទ្យលោកសង្ឃ។ គេហៅអ៊ីចឹងបាត់ទៅហើយ។ ឥឡូវសុំប្រកាសប្រសិទ្ធិនាមស្ពានអាកាសស្តុបពេទ្យលោកសង្ឃហ្នឹងទៅ ជាស្ពាន ៧ មករា តែម្ដងទៅ បើគេហៅអ៊ីចឹងទៅហើយ»។
សេចក្ដីប្រកាសនេះ បានធ្វើឲ្យមន្ត្រីគណបក្សប្រឆាំង ដែលជាបក្សប្រជែងនយោបាយជាមួយបក្សប្រជាជនរបស់លោកនាយករដ្ឋមន្ត្រី មិនសប្បាយចិត្ត។
លោក យឹម សុវណ្ណ ដំណាងរាស្ត្រគណបក្ស សម រង្ស៊ី គិតថា លោកនាយករដ្ឋមន្ត្រី ហ៊ុន សែន បានឆ្លៀតឱកាសទាញយកសមិទ្ធផលនេះទុកជាប្រយោជន៍បក្សប្រជាជនទៅវិញ ៖ «គួរណាស់តែស្ទាបស្ទង់ ធ្វើប្រជាមតិឲ្យមានមតិឯកភាពមួយ ដើម្បីដាក់ឈ្មោះលើសមិទ្ធផលដែលចេញពីខ្មែរទាំងអស់គ្នា ធ្វើបែបនេះដូចជាក្លាយទៅជាស្ពានរបស់គណបក្សទៅវិញ»។
ប្រវត្តិសាស្ត្រនយោបាយនៃប្រទេសកម្ពុជាបង្ហាញថា សមិទ្ធផលផ្លូវស្ពាន មានឥទ្ធិពលខ្លាំងក្លាបំផុត ដើម្បីជំរុញ និងលើកតម្កើងប្រជាប្រិយភាពរបស់របបនយោបាយមួយ ឬបក្សនយោបាយមួយ ក្នុងការទាក់ទាញអ្នកគាំទ្រ។ ដូច្នេះហើយទើបឈ្មោះអ្នកនយោបាយខ្មែរ និងបរទេសខ្លះត្រូវបានគេចារឈ្មោះនៅតាមដងវិថីសំខាន់ៗ នៅទីក្រុងភ្នំពេញ តាំងពីឆ្នាំ១៩៥០ ជាង មកទល់សព្វថ្ងៃនេះ។
ជាក់ស្ដែងដូចជាមហាវិថី សាល ឌឺហ្គោល (Charles de Gaulle) មហាវិថី ម៉ៅ សេទុង (Mao Tse Tung) មហាវិថីសេនាប្រមុខ គីម អ៊ីលស៊ុង មហាវិថីសហព័ន្ធរុស្ស៊ី មហាវិថីព្រះនរោត្តម មហាវិថីសុធារស ជាដើម។ ក្រៅពីនេះនៅមានឈ្មោះផ្លូវតូចៗ ច្រើនទៀត ដែលមានឈ្មោះជាបរទេស និងទាក់ទងនិងនយោបាយ។
លោកបណ្ឌិត ឡៅ ម៉ុងហៃ មានប្រសាសន៍ថា ការចារឈ្មោះដូច្នេះមានន័យជាកិត្តិយសនយោបាយ ជាការគោរព ទុកជាអនុស្សាវរីយ៍ ជាពិសេសជាការបង្ហាញសមិទ្ធផល។
ចំពោះការដាក់ឈ្មោះស្ពានអាកាស៧មករានេះ លោក បណ្ឌិត យល់ថា ជារឿងធម្មតាសម្រាប់អ្នកនយោបាយខ្មែរ ព្រោះថាមិនមានតែលោកនាយករដ្ឋមន្ត្រី ហ៊ុន សែន ទេ ដែលធ្វើដូច្នេះ សូម្បីតែអ្នកនយោបាយខ្មែរជំនាន់មុនៗ ក៏បានធ្វើតៗ គ្នាដូច្នេះអស់ជិត ១០០ឆ្នាំ មកហើយដែរ។
លោកថា ទម្លាប់ដាក់ឈ្មោះអ្នកដឹកនាំ ឬរបបនយោបាយតាមទីសាធារណៈ ដូចជាដាក់ឈ្មោះតាមស្ពានថ្នល់ តាមសួនច្បារ អាគារសិក្សា ជាដើម នៅតែពេញនិយមចំពោះអ្នកនយោបាយខ្មែរបច្ចុប្បន្ន។ ក៏ប៉ុន្តែ ឈ្មោះទាំងនោះក៏ត្រូវបានគេដូរចុះដូរឡើងក្នុងរបបនយោបាយនីមួយៗ ចាប់តាំងពីជំនាន់អាណានិគមបារាំង និងក្រោយឆ្នាំ១៩៥៣ មកម្លេះ ៖ «ជាទូទៅ ដាក់ឈ្មោះវីរបុរសអ្នកឯទៀតៗឬអ្នកល្បីឈ្មោះដូចជានៅប្រទេស កម្ពុជាយើងនឹង។ មហាវិថីកម្ពុជាក្រោម ក៏ជាឧទាហរណ៍ក្នុងការប្ដូរឈ្មោះ គឺដើមឡើយកាលពីជំនាន់បារាំងឈ្មោះថាអាណាម ក្រោយមកដូរមកផ្លូវកម្ពុជាក្រោម នៅពេលវៀតណាមចូលឆ្នាំ១៩៧៩ បានដូរទៅជា មហាវិថី មិត្តភាពកម្ពុជាវៀតណាម ហើយមហាវិថីសំខាន់ៗផ្សេងទៀតបានដូរឈ្មោះទៅជាមេដឹកនាំ កុម្មុយនិស្ត ខាងសូវៀតនិងអឺរ៉ុបល្បីៗ»។
លោកបន្ថែមថា ក្នុងរបប ប៉ុល ពត មិនបានឲ្យតម្លៃមហាវិថីទេ ព្រោះរបបនេះផ្ដល់តម្លៃឲ្យកសិកម្ម ដូច្នេះរបប ប៉ុល ពត ដាក់ឈ្មោះទំនប់ប្រឡាយក្នុងន័យនយោបាយរបស់របបនេះជំនួសមហាវិថី។
ការដូរចុះដូរឡើងនេះបានធ្វើឲ្យឈ្មោះមហាវិថីខ្លះបាត់ឈ្មោះ ទេ តែក៏ធ្វើអ្នកដំណើរ ឬអ្នកភ្នំពេញខ្លះ តាមមិនទាន់ ច្រឡំឈ្មោះ ព្រោះដូរឈ្មោះច្រើនដងពេក។
អ្នករត់ម៉ូតូរ៉ឺម៉កកង់បីនៅភ្នំពេញម្នាក់ថ្លែងថា ជួនកាលគាត់ហាក់ដូចជាវង្វេង ច្រឡំឈ្មោះមហាវិថីពេលដឹកភ្ញៀវម្ដងៗ ៖ «ផ្លូវធំៗ ខ្ញុំស្គាល់ខ្លះ កន្លែងខ្លះខ្ញុំអត់ស្គាល់ខ្ញុំសួរគេ។ ខ្ញុំស្គាល់មហាវិថីមុន្នីរេត មហាវិថីនរោត្តម មហាវិថី ម៉ៅ សេទុង មហាវិថីសហព័ន្ធរុស្ស៊ី»។
ទោះយ៉ាងណា លោកថា អ្នកដំណើរភាគច្រើនមិនសូវហៅវិថីតាមឈ្មោះជាផ្លូវការទេ។ គេច្រើនហៅឈ្មោះចាស់ដែលគេធ្លាប់ហៅ ម្យ៉ាងទៀត ឈ្មោះវិថីពិបាកហៅ ព្រោះជាភាសាបរទេស ពិបាកធ្វើសំនៀងដូច ៖ «ខ្លះថាទៅផ្លូវមាត់ទន្លេ ខ្លះគេថា ទៅផ្លូវស៊ីសុវត្ថិ ខ្លះគេថាផ្លូវហាណូយ ខ្លះគេហៅសាមញ្ញថាផ្លូវដីហុយតែម្ដង»។
អ្នកវិភាគនយោបាយឯករាជខ្មែរមួយចំនួន បានរំលឹកថា ការដាក់ឈ្មោះវិថី នៅប្រទេសកម្ពុជា ក៏អាចបញ្ជាក់អំពីនិន្នាការនយោបាយរបស់អ្នកដឹកនាំខ្មែររាល់ជំនាន់ នៅសតវត្សទី២០ និង២១ដែរ គឺបានបង្ហាញថា អ្នកនយោបាយខ្មែរស្ទើរតែទាំងអស់មាននិន្នាការទោរទន់ទៅរករបប កុម្មុយនិស្ត លើកលែងតែលោកសេនាប្រមុខ លន់ នល់ កាន់អំណាចឆ្នាំ១៩៧០ ដល់១៩៧៥ ដែលមាននិន្នាការលំអៀងទៅលោកសេរី ឬអាមេរិក។
លោក បណ្ដិត ឡៅ ម៉ុងហៃ រំលឹកថា ក្នុងសម័យសង្គ្រាមត្រជាក់គឺក្នុងឆ្នាំ១៩៦០ ជាង កម្ពុជាបានប្រកាសប្រកាន់ជំហរនយោបាយអព្យាក្រឹត្យ តែបើគេសង្កេតមើលឈ្មោះអ្នកដឹកនាំដែលចារឈ្មោះនៅតាមដងវិថី កម្ពុជា គឺសុទ្ធតែអ្នកដឹកនាំកុម្មុយនិស្ត។
នាយករដ្ឋមន្ត្រីហ៊ុន សែនចូលរួមគោរពវិញ្ញាណក្ខន្ធយុទ្ធជនពលីក្នុងសង្គ្រាមប្រឆាំងខ្មែរក្រហម